тэнэг од

сарны боол тэр нэгэн  од

сарнаас холдохгүй хажууд нь манаастай

сая сая оддоос тэр арайл өөр

шөнийн тэнгэрт хамгийн тод нь

саран авхайтай хамгийн ойрхон нь

солиорсон од түүнээс холдохгүй

сайхан өнгөнд нь тэр ховсдуулна

сар харин инээд нь хүрнэ

салхитай ярилцаж одыг шоолно

харанхуй тэнгэрийг эзэмдэн гэрэлтэхдээ

хажуудах одоо ёжлон мушилзана

од харин түүнийг бодохдоо

өөрт нь дуралчихаж гэж дэмий л горьдоно

хөөрхий чааваас энэ дурлал бүтэхгүй

хичнээн мөрөөдөөд ч зүүд нь биелэхгүй

хэзээ ч ойлгохгүй тэнэг од

хязгааргүй ертөнцийн хамгийн тэнэг нь...

Хэлэх үг..

хэлэх үг хэл ороогоод

хэдэн үг цээжинд гацаад

харамсдын заримдаа яахуу

хожимдсын дэндүү оройтож

хэн хэндээ буруу өгөөд яахуу

хэн хэнд нь буруу байсан биз гэхдээ

хааяа жоохон санадын ганцаардахаараа

хачин ихээр үгүйлдэгийн чамайг би

одоо учирлаж хэлэх үгийг минь чи уншихгүй биз

оддын тоогоор гэмшсэн ч чи уучлахгүй биз

хэлэх үг гэхдээ хэл орооогоод

хэдэн үг цээжинд гацаад

хэцүү байдын заримдаа яахуу

харин чи яадын бол бүү мэд..

тэр үед жоохон тэнэг байжээ

би ганцаараа биш чи ч тэнэг байсан

хэлсэн үгийг минь чи одоо мартаа биз дээ

хийсэн юмыг чинь мартсан шүү одоо

хааяа хальт санадаг шүү үнэнээ хэлье

хачин ихээр үгүйлдэг шүү нуугаад яахуу

харин чи юу боддын бүү мэд

хэдэн үг цээжинд гацаад байна энийг л хэлэх гэсийн..

...

Bi enhiin tsagaan tagtaa bish ch
Enh taivniig erhemlej bolno bizde? 
Bi erhiin teneg ohin bish ch
Eejdee haaya erhelj bolno bizde?
Bi bankindaa tiim ih mongoggui ch
Baigaagaaraa bayarhaj bolno bizde?
Bi hatuu shiruun zantai ch
Haaya uyarch bolno bizde?
Bi tumnii hairiig tatdaggui ch
Tuunii hartsiig bulaaj bolno bizde?
Bi olon zaluusiig hardag ch
Ontsolj chamd durlaj bolno bizde?
Bi erdem nomdoo sain bish ch
Ingeed shuleg terelj bolno bizde?

SECRET..

Одоо чи миний зурагнуудыг устгаж

Орныхоо даавууг угааж, үнэрийг минь арилгаж байгаа

Одоо чи миний талаар бүгдийг мартаж

Охин чинь ирж байгаа, түүндээ бэлдэж байгаа

чамруу агаараар үнсэлт илгээж буй зураг

чармай нүцгэн байхад чиний дарсан зураг

чангахан дарсанд согтсон зураг

чамруу хараад инээмсэглэсэн зураг...

бүгдий нь чи устгаж байгаа

бүх зүйлийг чи мартаж байгаа

утсанд чинь би танихгүй дугаар болж

устгаж байгаа бичсэн мессэжүүдийг минь

нөгөө охин чинь ирэхээр 

нөгөө нүүрээ гаргах хэрэгтэй

нуух хэрэгтэй Тогосоо гэдэг хүнийг

нууц байх ёстой болсон явдлууд

найзууд намайг загнана

нүгэл хийж байна гэж надруу зандарна

зоригтой байхыг надаас шаардана

зовлон биш шүү гэж надад сануулна

эхээс заяасан үнэрэнд минь чи согтохдоо

энгэсэг битгий түрхэж бай гэж гуйсан

ихэмсэг зан минь чамд бууж өгөхөд

ийм л байгаасай гэж үнэндээ хүссэн би

эхэлж амжаагүй хонгорхон дурсамжыг гэхдээ

ингээд дуусгая, шалтгаан нь чи

одоо чи миний зурагнуудыг утсгаж

орныхоо даавууг угааж үнэрийг минь арилгаж байгаа

яг одоо чи намайг холдуулахыг хүсэж

янаглаж байгаа хуучин амрагтайгаа

Гарчиггүй..

Тэгээд би өөрөөсөө асуулаа
Тэнэг болохоороо өөрөөсөө ичлээ
Намайг ийм байхыг хэр удаан харсан бэ?
Миний мууг үзэж чи хэр удаан инээсэн бэ?
Эртхэн шиг мэдсэн бол эртхэн шиг зогсох байлаа
Эргүүтсэн намайг чи шоолж зөндөө инээлээ
Одоо чиний талаар би ганц ч үг унагаахгүй
Огтхон ч дурсахгүй би юу ч ярихгүй
Хэлэх ч үг алга бодох ч хүсэл алга
Хэлсэн үгийг минь март
Хийсэн үйлдлийг минь үгүйсгэ
Тэгээд би өөрөөсөө асуулаа
Тэнэг болохоороо өөрөөсөө ичлээ
Түрхэн зуурын алдаа болог....

Ерөнхий Асуудал!

Хүмүүс бүхэн янз бүр
Хөдөлвөл хөлс, мөнгөний боолууд
Хятадад бяцхан хүү сургуулиа хаяад
Харанхуй уурхайд 2$-н төлөө сөхөртлөө ажиллана
Холливуудад тэгтэл хэн нэгэн хөөрхөн модел
2 сая долларын хөхөвч өмссөнөө гайхуулна
Хүний хүүхдүүд бие биенийгээ хядна
Хэнд нь ч ашиггүй дайнд хүмүүс үрэгдэнэ
Холын холд хэн нэгэн уйлна
Хорвоогоос хэн нэгэн эрэлхэгээр одно
Амьдрал дээшилнэ, татвар багасана
Ард түмэн хөрөнгөжинө гэж Обама солиорно
Сургалтын төлбөр буурч, шангийн хөтөлбөр ихэснэ
Суурин газрууд тэлж, хүмүүс сайхан амьдрана ч гэх шиг
Цалин нэмэгдэж, эмнэлгүүд хямдарч
Даатгалууд буурч, гэр бүл жаргана ч гэх шиг
Битгий худлаа залцгаа улс төрчид өө!!
Бэтгэрсэн биднийхээ хармааг бүү шулцгаа!!!
Далайн доогуур газрын тосны суваг хагарсан гэнэ
Баахан сенсаац, гэхдээ санаа нь юу вэ?
Мунхаг минийхээр далай бохирдож, амьтад үхэж байна
Бизнесийн бодлоор тэнд нэг компани дампуурлаа гэнэ үү?!
Хаа сайгүй утаа, хар үүл, бохир ус
Хамаг байгаль хийгээд хүмүүс өөрсдөө хохирно
Эрдэм шинжилгээний ажил, шинэ шинэ нээлтүүд
Ихийг мэдэх тусам багыг ойлгоно тэр хүмүүс
Эх гариг сүйрч байна, бидний бодол?
Энэ газраас нүүж сансарт амьдрах?!!
Баячууд тэнд мөнгөөрөө тоголно
Бааранд шалдан хүүхэнд мөнгөө тоолно
Баячуудьн хүүхдүүд голж шилж энд тэнд томорно,
Хэний хүчээр амьдарч буйг мартан том толгойлно
Материаллаг бүхэн бүхнээс үнэтэй! чамаас ч үнэтэй!
Муусайн найзууд цөөрч мөнгөнд толгойгоо мэдүүлнэ
Хэн нэгэн турна калор тоолно, хоол голно
Хэн нэгэн тэнд тоолох калоргүй өлсөж үхнэ
Байгаль дэлхий, нарыг зөв тойрч эргэдэг ч
Бурууд шунасан бид нар, дэлхийг буруу эргүүлнэ
Энх тайван, сайн сайхны төлөө хэн юуг хийнэ вэ?
Эрх мэдэлтнүүд хаана, юуны төлөө зүтгэнэ вэ????

                                         © 2010 by Enkhtogos Batmunkh

БУРУУ

Бид 2 буруу цагт буруу газар танилцсан
Чи надтай буруу бүжиглэж бурууг эхлүүлсэн
Би чамаас бурууг хүсэж бурууд уруу татсан
Чи надаас зөвийг нууж бурууг давраасан
Бид 2 буруу дарсанд буруу үед согтсон
Чи намайг буруу үнсэж зөвийг үгүйсгэсэн
Энэ бүхнээс буруу ялж, зөв хохирсон
Энэ бүгдээс буруу хожиж би хоосорсон
Энэ бүгдээс чи хожиж би хавханд орсон
Энэ бүхнээс чи нэрээ гишгэж би чамайг үзэн ядсан

Үг чухал биш

Хүнээс үг сонсохдоо 
Юу хэлэх нь тийм ч чухал биш
Харин хэнээс яг яаж сонсох нь
Хамгийн чухал хэсэг нь. 
Хамгийн хайртай хүн чинь чамтай
Хамгийн хүйтнээр харьцвал
Эмтэрнэ биз дээ зүрх чинь
Эргээд нийлэхгүй биз дээ зүрх чинь

Тэгээд би өөрөөсөө асуулаа...
Үнэн гэж оршдог уу?


ямар ч байсан нэг ийм юмны талаар кино үзсэнээ санаж байна. Нэг хотод худлаа ярьж чаддаггүй хүмүүс амьдардаг. Хичнээн хэцүү хатуу ч тэд үнэнийг сонсож үнэнд амьдардаг. Үнэн заримдаа хэтэрхий харш. Нэг өдөр нэг залуу банкин дээр очоод санамсаргүй худлаа ярина. тэр хотод худлаа ярина гэсэн үг үгийн санд нь ч байдаггүй болохоор теллер хүүхэн итгээд их хэмжээний мөнгө өгнө. Түүнээс болж худлаа ярих өөрт нь ашигтай юм байна гэж ойлгоно. Эргэн тойронд чинь дандаа үнэнийг хэлдэг хүмүүс байсан ч тэд чамд яг үнэнийг хэлж байна гэж чи яаж итгэх вэ? хэзээ нэгэн цагт чи түүнийг илрүүлж итгэх итгэлээ алдана. Мэдэх юм алга даа. Энэ чигээрээ хэр үргэлжлэхийг тэвчээр л зааглах биз дээ.   

bla bla

Тэгээд хоёулаа юу болж байна?

чамд санаа байсан гэж үү?

чи надаас яг юу хүссэн бэ?

Тэгээд бид юу болж таарсан бэ?

Биелүүлэхгүй бол бүү амла

Бодлыг чинь би ном шиг уншдаг

Буруудаагүй миний алхам

Бүтэхгүй чиний уучлал энэ удаа

Чадна гэж бүү томор!

чиний үгнүүд чинь эсрэг утгатай

чимэгтэй үгнүүдэд чинь би хууртахгүй

чихэнд минь одоо бүү долигоно!

© 2010 by Enkhtogos Batmunkh

Улаан хайрцаг

Ажлаа тарлаа, хэтэрхий оройтжээ

Анд нөхөд минь гүн нойрсжээ

Аав ээж минь өдрийг үдэж

Алжаалаа тайлахаар бөх унтжээ

Дэлгүүрүүд хааж, гэрэл унтарч

Кино театрууд үүдээ барьжээ

Машин цөөрч зам чөлөөрөхөд

Гудамжинд алхах нэгнийг харахгүй

Шонгийн гэрэл хааяа анивчихад

шар шувуу хаа нэгтээ хүүглэнэ

Одод түгж харанхуй нөмрөхөд

Орчлонд би орь ганцаараа

Бүх зүйл чив чимээгүй

Борхон зүрх минь л лугших сонсогдоно

Бадаг шүлгүүд толгойд буухад

Харийн хот гүн нойронд..

Улаан хайрцаг киноны цуглуулга

Урмыг хугалсангүй буланд дүнсийнэ

Унтаж эхэлсэн их хотын дунд

Улаан хувцастай манаачууд гэрэлтэнэ

Ганцаардаж гунигласан миний бодлыг

Ганцхан тэр л авардаг заримдаа

Улаан хайрцагнаас шал өөр ертөнцөд

Унтахаасаа өмнө зочилчихоод буцдаг...

© 2010 by Enkhtogos Batmunkh